გასეირნება ყარაბახში “კონფლიქტის ზონა”

„საბჭოთა კავშირი დაიშალა. კავკასიის სამ რესპუბლიკაში — საქართველოში, აზერბაიჯანსა და სომხეთში — სამოქალაქო და ეთნიკური ომები დაიწყო. პოსტსაბჭოთა კავკასია ერთ დიდ კონფლიქტის ზონად იქცა. ორ სრულიად განსხვავებულ ადამიანს, რომლებსაც განსხვავებული იდეალები, პრობლემები და მიზნები აქვთ, სწორედ ეს კონფლიქტის ზონა აერთიანებს.
გოგლიკო, თბილისელი ქუჩის ბიჭი, და სპარტაკი, სოხუმელი სნაიპერი, იძულებულნი არიან ქუჩისა და სახელმწიფოს პრობლემები ერთად გადაჭრან. ერთისთვის მიზანი აზარტულ თამაშებში წაგებული ფულის დაბრუნებაა, მეორესთვის კი — გენერლის აბსურდული სამხედრო მისიის შესრულება. ყოველივე ამის მიუხედავად, მათი გზები იკვეთება და მათი ცხოვრება სამუდამოდ იცვლება.“